¹ Апрель — шошо жапын покшелже.

Лум деч мланде тӱрыс эрна,

А вӱд чарныде йӱдшӧ-кечын

Коремыш, эҥерыш йога.

⁵ Пасу топлана койын-койын.

Налеш озым вийым уэш.

Пелед шогалеш кӱдыроҥгыр

Лум кайыме кӱкшӧ вереш.

⁹ Пушеҥге чия шке вургемжым.

Ужар тӱсым мланде налеш.

Да толыт адак мемнан деке

Вашке кайык-шамыч мӧҥгеш.

¹³ А тылзе мучаште пасушко

Ага пашаш калык лектеш.

У киндым ончен кушташ шуко

Куатым пышташ логалеш.